„კაცმანობის გარეშე“ -საშა კაცმანის წიგნი, რომელიც არცერთ მკითხველს გულგრილს არ დატოვებს.

ეს არის ტრანსფორმაციის ამბავი - ცხოვრების რთული და საინტერესო გზის გავლა, ბავშვობის ტრამვებთან გამკლავება და, რაც ყველაზე მნიშვნელოვანია, სიცოცხლის, როგორც უდიდესი საჩუქრის დაფასება. წიგნი გვიყვება საკუთარი თავის ხელახლა დაბადების პროცესზე- იმ გზაზე, რომელიც თითოეულ ადამიანს შეიძლება ელის, თუ გაბედავს ცვლილებას.

მკითხველი გაიცნობს საქართველოს ერთ-ერთ წარმატებულ მარკეტერს, რომელმაც საკუთარი კვალი დატოვა არა მხოლოდ რეკლამის სფეროში, არამედ პოლიტიკურ არენაზეც, სადაც საარჩევნო კამპანიების მართვაში გამოცადა საკუთარი შესაძლებლობები. დღეს კი, ამ უწყვეტი ტრანსფორმაციის გზაზე, საშა კაცმანი გვევლინება როგორც პიროვნული და კარიერული ტრანსფორმაციის მენტორი.

ავტორი გულწრფელად გვიზიარებს ტკივილითა და გამარჯვებებით სავსე ცხოვრების ისტორიას. წიგნის თითოეული თავი კი ტრანსფორმაციის გზის კიდევ ერთი ეტაპის გახსნაა.

მკითხველო, წინ დაუვიწყარი და შთამაგონებელი გამოცდილება გელოდება.